Messi, lojtari më i mirë në historinë e klubit të Barcelonës po mendon që të largohet nga ekipi që i “dha” emrin dhe famën si lojtari më i mirë në botë.
Lajmi se Lionel Messi mund të largohet nga Barça ka shqetësuar shumë tifozët e ekipit, por jo vetëm.
Në ‘Camp Nou’, nuk ka aspak qetësi pas publikimit të lajmeve për dëshirën e Lionel Messit për t’u larguar nga Barcelona.
“TyC” në Argjentinë raporton se Messi e ka bërë kërkesë largimi për ta detyruar Bartomeun të largohet – dhe kjo ka funksionuar.
Me protestat jashtë “Camp Nou” që kërkojnë largimin e Bartomeut, kryesia e klubit ka mbajtur një mbledhje emergjente.
Me dorëheqjen e Bartomeut, Barcelona do të shkonte në zgjedhje të reja, për presidentin e klubit.
Në takimin urgjent të Këshillit Drejtues dhe Administrativ të Barcelonës mësohet se drejtuesit i kanë kërkuar Josep Maria Bartomeu të japë dorëheqjen si president i klubit.
Kjo është tentativa e fundit që Leo Messi të ndërrojë mendje dhe qëndrojë te katalanasit duke mos u larguar pas dy dekadash!
Pas kësaj situate, Interi, Manchester City, Juventusi, Milani dhe PSG-ja kanë shfaqur interesim.
Ru.Do/Fjala.al
