Situata e pandemisë në Maqedoninë e Veriut vijon të jetë e rënduar dhe për këtë arsye qeveria maqedonase ka vendosur shtyrjen e nisjes së vitit të ri shkollor.
Viti i ri shkollor ishte planifikuar të fillonte më 1 shtator ndërsa tani është shtyrë për me 1 tetor.
Lajmin e ka bërë me dije i emëruari për kryeministër, Zoran Zaev.
“Viti shkollor nuk do të fillojë më 1 shtator. Për shkak të përgatitjes së protokolleve shëndetësore, mësimi duhet të nisë më 1 tetor. Vendimi do të merret në seancën e parë të qeverisë, në të cilën do të miratohen edhe ndryshimet ligjore për mbarëvajtjen e procesit mësimor”, tha Zaev. Ka.Li/fjala.al
