Antikoagulantët mund të përmirësojnë mbijetesën e pacientëve të shtruar në spital me Covid-19, për të parandaluar ngjarjet e mundshme fatale të lidhura me koronavirusin, siç janë sulmet në zemër ose goditjet në tru.
Sipas një studimi të botuar në Gazetën e Kolegjit Amerikan të Kardiologjisë (JACC), të udhëhequr nga Dr. Valentin Fuster, njerëzit e shtruar në spital me Covid-19 të trajtuar me antikoagulantë – ilaçe që parandalojnë koagulimin e gjakut – mund të kenë më shumë shanse për të mbijetuar.
Në punën, të koordinuar nga Fuster, u analizuan gjashtë regjime të ndryshme antikoaguluesësh. Nga të gjithë ata, heparina me peshë të ulët molekulare terapeutike dhe profilaktike dhe apixaban terapeutik arritën rezultatet më të mira.
Kjo punë vëzhguese është një shtrirje e hulumtimit e publikuar majin e kaluar, dhe e kryer në pothuajse 3,000 pacientë me Covid-19, e cila tregoi se trajtimi antikoagulant shoqërohej me rezultate më të mira si brenda ashtu dhe jashtë njësisë së kujdesit intensiv në mesin e pacientëve të shtruar në spital.
Në studimin e ri, ekipi i studiuesve vlerësoi të dhënat elektronike mjekësore të 4,389 pacientëve të konfirmuar Covid-19 pozitiv të pranuar në pesë spitale të ndryshme midis 1 Marsit dhe 30 Prillit 2020. Ka.Li/fjala.al
