Uragani Laura i cili pritet të godasë Teksasin dhe Luizianën ka ngjallur panik tek banorët e këtyre zonave.
Autoritetet kanë kërkuar evakuimin e detyrueshëm të më shumë se gjysëm milioni njerëz të cilët jetojnë në zonat përreth.
Ky fakt ka ngjallur edhe reagimin e ambasadores shqiptare në SHBA Floreta Luli Faber , e cila përmes një postimi në ‘Facebook’ ka shprehur shqetësimin e saj për këtë fenomen natyror i cili pritet të jetë shkatërues.
Faber shprehet se ka kontaktuar me autoritetet, të cilët e kanë informuar se në zonën mes Liqenit Charkes ku dhe parashikohet që mund të mbulohet me ujë 5-6 metra lartësi, jetojnë 20 familje shqiptare.
Në këtë zone evakuimi ka qënë i detyruar duke bërë në këtë mënyrë edhe shpërnguljen e familjeve shqiptare.
Ambasadorja Faber ka shpërndarë edhe një video ku shpjegohet se si pritet të ndodh ky fenomen.
Sipas Qendrës Kombëtare të Uraganeve të SHBA-së (NHC), Laura, e cila po avancon me 205 kilometra në orë në Gjirin e Meksikës, ka fituar 70 për qind fuqi në 24 orët e fundit, duke arritur kategorinë 3.
Paralajmërimi kundër uraganit Laura pritet të rritet në kategorinë 4 dhe stuhia të godasë Teksasin dhe Luizianën, thanë zyrtarët, të cilët njoftuan se ujërat e përmbytjes mund të rriten deri në 6 metra.
Postimi i plotë i ambasardores
Me shqetësim të madh kam ndjekur lajmet mbi #UraganinLaura që pritet të godasë pa mëshirë sonte një pjesë të Luizianës dhe Teksasit. Orët e fundit isha në kontakt me Konsullin e Nderit në Luisiana dhe Presidenten e Arberia Houston. Pranvera më informoi se ka një numër restorantesh shqiptare në Beaumont dhe mbi 20 familje shqiptare që jetojnë në mes Liqenit Charles, Luiziana dhe Beaumont, Teksas. Në të gjithë këtë zonë evakuimi ishte i detyruar. Pikërisht në zonën e Liqenit Charles, parashikohet që Uragani të sjellë një valë uji në lartësinë deri në 5-6 metra, në një sipërfaqe deri në 50 kilometra në brendësi të zonave të banuara. Ndoshta, një pjesë nga këto zona mund të përmbyten përgjithmonë. /Ra.My.Fjala.al/
https://www.facebook.com/100001207085606/videos/3537954182921450/?extid=LOSiAA02EowYSqO5
