Kreu i opozitës ruse, Alexei Navalny vazhdon të jetë në gjendje kome pas asaj që aleatët e përshkruajnë si helmim.
Zëdhënësja e tij, Kira Yarmysh, bën të ditur për mediat se helmimi i Navalny dyshohet të ketë ardhur si pasojë e ndonjë substance të hedhur brenda çajit që piu gjatë fluturimit.
Sipas mjekëve gjermanë, sëmundja e tij është shkaktuar nga helmimi. Mirëpo, mjekët rusë e kanë kundërshtuar një diagnozë të tillë.
Prokurorët rusë u shprehën në 27 gusht se deri më tani nuk ka asnjë të dhënë që mund të dalë në përfundimin se ndaj Navalnyt është kryer vepër penale. Në të njëjtën kohë, kërkuan nga mjekët gjermanë, që të bëjnë ndarjen e të dhënave mjekësore.
Ndihmësit e liderit të opozitës kanë thënë se dyshojnë që Navalny është helmuar nga një gotë me çaj, që e ka blerë në aeroportin e qytetit Tomsk, pak minuta para se të nisej në drejtim të Moskës.
Marrë shkas nga gjendja jo e mirë shëndetësore e kreut të opozitës ruse, aeroplani ka bërë ulje emergjente.
Er.Ke/Fjala.al
