Në aksidentin e trefishtë të ndodhur sot në rrethin e Golemit njëra nga gratë e plagosura humbi jetën në spital.
Të dyja gratë ishin në të njëjtën makinë, njëra si pasagjere e tjetra si drejtuese e mjetit.
Në aksident u përfshin tre automjete dhe policia po punon për zbardhjen e ngjarjes. Kjo ngjarje e rëndë ka shkaktuar trafik dhe radhe automjetesh.
Tiranë/Informacion paraprak
Më datë 31.08.2020, rreth orës 12:00, në aksin rrugor tek Rrethi i Golemit në drejtim të Malit të Robit, janë përfshirë në aksident 3 mjete me drejtues shtetasit R.R., J.L., dhe M.D.
Si pasojë e përplasjes është dëmtuar drejtuesja e mjetit M.D., dhe pasagjerja në mjetin e saj, të cilat u dërguan menjëherë në spital, dhe ndodhen nën kujdesin e mjekëve. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e plotë të rrethanave të ngjarjes./Jo.Be/Fjala.al
