Një plagosje ka ndodhur mbrëmjen e kaluar në Gjirokastër ku 21 vjeçari XH.L., ka goditur me thikë G.L.,36 vjeç. Ngjarja ka ndodhur në lagjen “Pazari i Vjetër” për motive të dobëta. Policia ka arrestuar menjëherë autorin e plagosjes dhe mbi të rëndon akuza për veprën penale “Plagosja e rëndë me dashje”.
36-vjeçari XH.L ndodhet në spital; jashtë rrezikut për jetën. Njoftimi i policisë: Plagosi me mjet të mprehtë një shtetas, bie në pranga 21-vjeçari. Specialistët për Hetimin e Krimeve në Komisariatin e Policisë Gjirokastër bënë arrestimin në flagrancë të shtetasit Xh. L., 21 vjeç, banues në Gjirokastër.
Arrestimi i këtij shtetasi u bë pasi, mbrëmjen e djeshme, në lagjen “Pazari i Vjetër”, Gjirokastër, pas një konflikti të çastit për motive të dobëta, ka goditur me mjet të mprehtë shtetasin G. L., 36 vjeç, banues në Gjirokastër. Shërbimet e Komisariatit të Policisë
Gjirokastër kanë shkuar menjëherë në vendin e ngjarjes dhe kanë vënë në pranga autorin e ngjarjes, shtetasin Xh. L. Shtetasi G. L. ndodhet në Spitalin Rajonal Gjirokastër, jashtë rrezikut për jetën. Materialet në ngarkim të shtetasit Xh. L. i kaluan Prokurorisë pranë Gjykatës së Shkallës së Parë Gjirokastër, për veprën penale “Plagosja e rëndë me dashje”.
Jo.Be/Fjala.al
