Gjykata e Tiranës vendosi “arrest me burg” për Fatmir Demirin, i arrestuar tri ditë më parë për vrasjen e 61-vjeçarit Dorian Latollarit në oborrin e shtëpisë së tij. Ngjarja ndodhi në rrugën “Haxhi Hysen Dalliu” në Tiranë.
Pala mbrojtëse kërkoi masë arresti me afat pasi pret akt ekspertimin e plotë sepse sipas tyre vdekja mund të mos ketë ardhur nga dhuna.
Demiri rezulton i dënuar më parë për dezertim nga shërbimi ushtarak.
Njoftimi i policisë për ngjarjen:
Ndalohet një 37-vjeçar, për veprën penale “Vrasja”. 37-vjeçari i dënuar më parë për Dezertim nga shërbimi Ushtarak. Shërbimet e Komisariatit të Policisë Nr.3, me marrjen e njoftimit se në rrugën “Haxhi Hysen Dalliu”, në oborrin e banesës shtetasi Dorian Latollari, 61 vjeç, ishte gjetur pa shenja jete, menjëherë kanë organizuar punën për zbardhjen dhe dokumentimin e plotë të rrethanave të ngjarjes.
Specialistët për Hetimin e Krimit në Komisariatin e Policisë Nr.3, nën drejtimin e Prokurorisë, pas një pune të mirorganizuar dhe hetimeve instensive bënë të mundur zbulimin e ngjarjes, dhe kapjen e autorit të dyshuar shtetasin Fatmir Demiri, 37 vjeç, banues në Tiranë.
37-vjeçari e ka pranuar autorsinë dhe është shprehur se për disa konflikte të meparshme, dyshohet për konflikte pronësie, me vetëpërgjegjësi ka goditur me sende të forta duke i shkaktuar vdekjen shtetasit D.L.
Materialet do t’i referohen Prokurorisë së Rrethit Gjyqësor Tiranë, për veprime të metejshme hetimore/Jo.Be/ Fjala.al
