Organizata “Demokracia Studentore”, i ka kërkuar qeverisë në Kosovë që të heqë pagesat për të gjithë studentët.
Nëpërmjet një komunikate për mediat vendase, “Demokracia Studentore” ka deklaruar se megjithëse studentët janë kategoria më e varfër e shoqërisë, atyre po u bëhet presion për kryerjen e pagesave dhe të shërbimeve të tjera.
“Studentët janë kategoria më e varfër në vend dhe vazhdimisht po na bëhet presion nga fakultetet për t’i kryer pagesat e semestrave dhe pagesat e tjera që lidhen me shërbime ndaj studentëve, andaj kërkojmë nga Qeveria e Republikës së Kosovës që në këtë kohë pandemie studentët të lirohen nga të gjitha pagesat, pasi që student është kategoria më e prekur në këtë situatë të rëndë ekonomike”, thuhet në komunikatën për media.
Sipas Demokracisë Studentore, studentët nuk kanë asnjë lloj të ardhure financiare./Er.Ke/Fjala.al
