Futbollisti i njohur i PSG-së, Neymar rezulton i infektuar me koronavirus. Ekipi akoma nuk ka konfirmuar gjë zyrtarisht, por gazeta franceze L’Equipe siguron Neymar është i infektuar me Covid-19. Gjithashtu, gazeta thekson se të infektuar janë edhe Di María dhe Paredes nga ekipi i PSG-së.
Mësohet se tre futbollistët janë vendosur menjëherë në karantinë, e cila pritet të zgjasë një javë.
Neymar kishte marrë disa ditë pushim në Ibiza për të larguar mërzitjen pasi ekipi i tij humbi finalen e Ligës së Kampionëve.
Të tre futbollistët do të jenë nën mbikëqyrje të veçantë dhe do ti nënshtrohen sërish testeve.
Burimi: Lavanguardia. La.Mi/Fjala.al
