Ish kryeministri italian Silvio Berlusconi ka rezultuar pozitiv me koronavirus.
Kreu i Forza Italia iu nënshtrua testi pas një qëndrimi të fundit në Sardenjë dhe rezultati ishte pozitiv.
Flavio Briatore dhe Silvio Berlusconi konfirmuan lajmin së bashku në Instagram përmes një video.
«Kam ardhur të vizitoj mikun tim, të gjej në formë të mirë Silvio» deklaron Flavio Briatore.
Politikani dhe sipërmarrësi i njohur, manjati i mediave italiane është asimptomatik dhe është vetë-izoluar në shtëpi.
Lajm disi shqetësues ky për familjarët dhe vetë Silvion, pasi për 1 muaj ai mbush 84 vjeç, duke e vendosur atë në kategorinë e personave me risk të lartë vdekshmërie. Megjithatë Berluskoni është asimptomatik dhe në gjendje jo të rënduar shëndetësore.
Rastet e koronavirusit kanë shënuar rritje në Itali javët e fundit, kryesisht midis njerëzve që vizituan destinacionin e Sardenjës.
Ishulli kishte relativisht pak raste krahasuar me pjesën tjetër të vendit gjatë muajve të dimrit, kur virusi ishte në kulmin e tij.
La.Mi/Fjala.al
