Dy pastorë belgë të cilët shihen në një fushë me bar, të shtrirë e me gjuhën jashtë, janë objekti kryesor i një fotoje të veçantë që ka publikuar ish-ministri i Brendshëm i Shqipërisë, Saimir Tahiri.
“Menjëherë pas mësimit” shkruan Tahiri krahas fotos, pa shumë koment, duke i lënë ndjekësit ta interpretojnë këtë foto në këndvështrime të ndryshme.
Kjo foto e Tahirit vjen menjëherë pas takimit që Rama zhvilloi me kryebashkiakët në Elbasan dhe më pas me deputetët në selinë rozë në kryeqytet.
Nga fotoja duket qartë se qentë janë me veshët e ngritur, me një shikim shpues dhe me një pozicion gatitu, ata duken sikur presin vetëm një urdhër-komandë, e janë gati për veprim.
Ish-ministri i Brendshëm njihet për mesazhet e tij të koduara me të cilat ka vendosur të komunikojë që nga momenti kur la edhe imunitetin për t’i hyrë betejës ligjore.
La.MI/Fjala.al
