Kryetari i AAK-së, Ramush Haradinaj, e ka përshëndetur Marrëveshjen e nënshkruan në Washington mes Kosovës dhe Serbisë.
“E përshëndes Marrëveshjen e nënshkruar sot në Shtëpinë e Bardhë!”, shkroi Haradinaj.
Thotë se shqetësimi i tij është larguar, pas dyshimeve se në Marrëveshje përfshihet edhe Ujmani.
“Miqtë e vërtetë gjithmonë e kuptojnë shqetësimin e drejtë. I lumtur që shqetësimet tona në pikën kontestuese për Ujmanin, kanë reflektuar në Marrëveshjen e nënshkruar. Besimi ynë në rolin dhe angazhimin e Shteteve të Bashkuara të Amerikës gjithmonë ka qenë i paluhatshëm dhe i tillë mbetet! Faleminderit President Trump! Zoti i bekoftë Shtetet e Bashkuara të Amerikës!”, përfundoi Haradinaj.
