Në prag të ndeshjes ndaj Lituanisë në Ligën e Kombeve, trajneri i Kombëtares Shqiptare Edy Reja ka dalë në konferencë për shtyp së bashku me kapitenin Elseid Hysaj. Kombëtarja vjen pas një paraqitje mjaft të mirë dhe një fitoreje bindëse ndaj Bjellorusisë në ndeshjen e parë.
Ai paralajmëroi ndryshime në krahasim me sfidën e fundit sa i përket formacionit titullar.
Reja gjithashtu dha dhe lajmin e keq që Sokol Cikalleshi do të mungojë në këtë sfidë.
“Do jetë një ndeshje e vështirë. Lituania ka një skuadër që luan mirë me topin, por kam besim te ekipi im, edhe në aspektin fizik. Do të bëj disa ndryshime, ndoshta 4-5.
Në sulm ka pak probleme. Cikalleshi ëshjtë I lodhur dhe ka shqetësime fizike. Në mbrojtje nuk kam ndonjë shqetësim. Kam zgjedhje, siç ështe Mihaj.
Në mesfushë Bare dhe Abrashi janë lodhur shumë, ndoshta do të ketë ndonjë ndryshim.
Jam i kënaqur me rezultatin e Bjellorusisë, por rruga është e gjatë. Nuk duhet të bëjmë asnjë gabim, duhet të mbajmë intensitetin e lartë. Me sulmin nuk isha i kënaqur kundër Bjellorusisë.
Ne kishim 9 muaj pa u grumbulluar dhe të bësh bashkë ekipin për 3 dit ishte shumë e vështirë. Pavarësisht kësaj ne ia dolëm të merrnim 3 pikët. Po ta vinit re dhanë gjithashtu në fushë kundër një skuadrë si Bjellorusia e cila kampionatin e ka filluar prej kohësh,” theksoi Reja.
