Komisionerët e Durrësit të cilët u akuzuan se në zgjedhjet e 2017-tës votuan më shumë se njëherë do të dalin sot para Gjykatës së Durrësit.
21 komisionerët të cilët akuzohen për krime zgjedhore do të dalin sot para Gjykatës së Durrësit, pasi Gjykata e Posaçme e Apelit shpalli moskopetencë për këtë pjesë të dosjes ‘339’. Sot do të ketë sërish masa sigurie për 21 komisionerët e akuzuar, por këtë here nga Gjykata e Durrësit.
Në fakt bëhet fjalë për 19 komisionerë pasi dy prej tyre kanë ndërruar jetë.
Tetë prej komisionerëve janë nën masën arrest shtëpie dhe 11 ish komisionerë nën masën arrest me burg.
Avokatët e komisionerëve të arrestuar pretendojnë se hetimi për komisionerët është kryer me standarde të dyfishta diskriminuese, mbi baza partiake, duke akuzuar se në arrest me burg janë lënë vetëm komisionerët që përfaqësonin opozitën.
Po ashtu relator i çështjes, gjyqtari Tritan Hamiti më datën 10 shtator kalon në Vetting./Ra.My.Fjalaetim
