Për herë të parë Ilir Beqja tregona arsyen e vërtetë përse u shkarkua nga ministër i Shëndetësisë. Ai qëndroi në këtë detyrë që nga shtatori i vitit 2013 dhe u largua në mars 2017 duke u zëvendësuar nga Ogerta Manastirliu. Në atë kohë kryeministri Edi Rama bëri ndryshime në qeveri me arsyetimin për t’i dhënë një impuls të ri qeverisë. Por pas 3 vite e gjysmë, në emisionin HARD TALK NGA ROLAND QAFOKU Ilir Beqja shpjegon se bosët e tregtisë së ilaçeve në bashkëpunim me median e larguan nga ajo detyrë për shkak të reformës që ai mori për mënyrën e tregtimit të barnave.
-Unë Ilir Beqja, arritjen më të madhe qytetare, profesionale dhe politike të karrierës sime deri sot quaj reformën e barnave në Shqipëri.
-Po pse ka barna që vijnë nga India?
-Ajo që më ka kushtuar më shumë në karrierën politike, në ndërprerjen e detyrës së ministrit…
-Pse nga ajo u ndërpre?
-Sulmet ndaj meje. Erdhi një moment që ngarkesa negative po transferohej në sistem. 70 milionë dollarë në vit kursejnë shqiptarët nga reforma e barnave. Atë e kam bërë unë vetëm me mbështetjen personale të Edi Ramës. I kam patur të gjithë kundra; në politikë, brenda dhe jashtë PS-së, të gjithë botën farmaceutike dhe të gjithë botën mediatike.
-Po pse mediatike?
-Sepse në shtator 2015 industria farmaceutike ndërpreu reklamat vjetore që bënte se s’kishin më para. Shqipëria dhe Meksika kanë qenë të vetmet vende në botë ku bari gjenerik kushtonte më shumë se gjeneratori i vet. Ka qenë gjëja më ektreme.
-Po media pse ju sulmoi juve?
-I mbaruan paratë. S’kishte më reklama.
-Cilat media ju sulmuan?
-Të gjitha papërjashtim, sepse të gjitha u prekën. /Fjala.al/Ke.Ba
