Ilir Beqja është deputeti i PS që Edi Rama e caktoi në Shkodër si drejtues i qarkut për këtë parti. Në emisionin HARD TALK NGA ROLAND QAFOKU Beqja shpjegoi se si është situata politike në kryeqendrën e veriut dhe se si Partia Socialiste mund të fitojë atje kur dihet që ehte një bastion i së djathtës.
Qarku i Shkodrës është një nga dy-tre qarqet ku ende nuk është e përcaktuar se si do të shkojë numri i mandateve. Pra, do të mbetet me 11 apo do ketë pakësim… Sigurisht, kur je shtatë vjet në qeveri ka kostot e veta por ke mundësi të japësh produkt, të kërkosh që të të vlerësohet ai produkt në kushtet e 11 mandateve. Synimi ynë maksimal është dalja me fitore. Në kushtet e një numri çift mandatesh, një rezultat pozitiv do ishte edhe dalja 5 me 5. Kemi një sistem që mund ta fitosh me një votë më shumë pjesën kundërshtare një qark tek dhe fiton një mandat dhe në qarqet çift mund të jesh 6-7 mijë vota para dhe prapë rezultati mund të jetë po ai. Ky është një nga elementët që mbetet për tu parë ashtu siç mbetet për tu parë si do të shkojnë në detaje ndryshimet e fundit të Kodit Zgjedhor që priten të bëhen, por sigurisht besoj se fushata e ardhshme elektorale ka shumë të panjohura për të gjithë ne që merremi me politikë. /Fjala.al/Ke.Ba
