Pasditen e sotme në orën 17:00 do të nisë sesioni i ri i legjislaturës së re së Kuvendit të Shqipërisë. Kryeparlamentari Gramoz Ruçi ka urdhëruar thirrjen e sesionit të VII të legjislaturës së IX të Kuvendit.
Në rëndin e sotëm të seancës plenare janë vendosur vetëm 4 pika. Seanca plenare do të zhvillohet në bazë të rregullave anti-Covid. Të gjithë të pranishmit duhet të jenë të pajisur me doreza, maska dhe duhet të ruajnë distancimin social./Jo.Be/Fjala.al
Seanca plenare do të ketë në rend dite:
- Miratimi i procesverbalit të seancës plenare datë 29.07.2020 dhe 30.07.2020 (Neni 44, pika 2 e Rregullores)
- Njoftimi i çështjeve të depozituara në Kuvend për shqyrtim (Neni 44, pika 3 e Rregullores)
- Njoftimi/Miratimi i draft-programit të punës së Kuvendit për periudhën 7 shtator – 16 tetor 2020 (Neni 26/neni 55 Rregullore Kuvendi, njoftim/shumicë e thjeshtë votash për miratim)
- Njoftimi/Miratimi i draft-kalendarit të punimeve të Kuvendit për periudhën 7 – 25 shtator 2020 (Neni 27/neni 55 Rregullore Kuvendi, njoftim/shumicë e thjeshtë votash për miratim).
