Një pjesë e opinionit publik mendon se PD do vijë në pushtet pas zgjedhjeve të 25 prillit. Në emisionin HARD TALK NGA ROLAND QAFOKU, Enkelejd Alibeaj u shpreh se fryma e fitores së opozitës ndihet në selinë blu dhe jashtë saj.
-Zoti Alibeaj, pas tetë vitesh në opozitë a ka krijuar një frymë PD?
-Nuk e kam një lakmues që të jap një përgjigje për këtë pyetje. Fryma është një koncept jo juridik., jo politik. Di të të them se çfarë kemi bërë. Nëse shqiptarët sot janë të neveritur për shkak të gjithë simptomave të qeverisjes së Ramës , papunësia, humbja e shpresës, ekonomia në humnerë, lënia e vendit në dorë të krimit, kthimi i këtij vendi në një parajsë të pastrimit të parave dhe të drogës, kriminalizimi i politikës, mund t’iu them me bindje se ajo çka kemi bërë në këto tetë vite ka qenë totalisht e kundërta e asaj çfarë pushteti ka bërë. Dhe unë besoj që shqiptarët do të vlerësojnë pikërisht këtë gjë./Fjala.al/Ke.Ba
