Partia Demokratike ka qenë gjithë akuzatore e madhe për reformën e re të drejtësisë. Qëndrimi i saj zyrtar është se kjo reformë është e ideuar dhe zbatuar nga Edi Rama për interes të tij. Po çfarë do bëjë PD për këtë reformë kur të vijë në pushtet? Në emisionin HARD TALK NGA ROLAND QAFOKU, Alibeaj deklaron:
-Çfarë do bëjë PD lidhur me reformën ne drejtësi nëse vjen në pushtet?
-Një parti politike konkurron për të marrë pushtetin në parlament. E vetmja gjë që mund të bëjmë ne pasi Kushtetuta kaq të lejon, është nëse gjithmonë e marrim një mbështetje nga shqiptarët. Nëse mbështetja që do marrim nga shqiptarët nuk është në nivele të shumicës së cilësuar, pra 84 vota, nuk nuk mund të bëjmë ndonjë gjë të madhe. Mund të bëjmë ndërhyrje në bazën ligjore, vetëm kur ka votat e veta. E drejta e parlamentit për të ndërhyrë dhe për të bërë ndryshime përmirësuese në ligje bazohet thjesht te kartoni i tij. Pjesa tjetër e reformës, zbatimi i saj, është në dorë të atyre njerëzve që tashmë janë emëruar. Kaq është mundësia që Kushtetuta i jep parlamentit për të ndërhyrë në reformën në drejtësi./Fjala.al/Ke.Ba
