Një nga pyetjet më të rëndësishme që bëhet këto ditë në politikë është se çfarë do bëjnë dy liderët Edi Rama dhe Lulzim Basha nëse partitë që drejtojnë humbasin zgjedhjet e 25 prillit. Kjo pyetje iu drejtua Enkjeled Alibeajt në emisionin HARD TALK NGA ROLAND QAFOKU për Lulzim Bashën. Anëtari i Kryesisë së kësaj partie tha se nëse Basha humbet zgjedhjet ai patjetër do mbajë përgjegjësi.
-Nëse PD humbet zgjedhjet, a duhet të largohet nga drejtimi i PD Lulzim Basha?
-PD s’ka për t’i humbur zgjedhjet. Ka për t’i fituar. Opozita në fakt, opozita e bashkuar ka për t’i fituar zgjedhjet. Dhe opozita e bashkuar e ka kryeministrin. Për të gjitha arsyet që listuam tek ajo çfarë në publik thuhet, ndjehet, shprehet, e për këtë arsye besoj se jemi të qartë. Pastaj pyetja juaj teorike nëse humbet zgjedhjet a duhet të largohesh apo jo, unë them: Po, do duhet të mbash përgjegjësi. Kjo është një nga rregullat që është vendosur në këtë seli./Ke.Ba/Fjala.al
