Drejtori i përgjithshëm i grupit mediatik “Fjala”, Roland Qafoku ka deklaruar sot se lëvizjet në qeveri që mund të bëjë kryeministri Edi Rama para zgjedhjeve të vitit 2021 mund të shihen si kabineti i mandatit të tretë, por jo ti shërbejnë për këtë mandat të dytë.
I ftuar në A2CNN, Qafoku theksoi se nuk do t’i vlente kryeministrit Edi Rama nëse do të bënte ndryshime në qeveri, por nuk është çudi.
“Edi Rama mund të flejë sonte më mendjen se nuk do të bëjë ndryshime në qeveri, por të nesërmen mund të çohet me mendjen se do të bëjë ndryshime në qeveri. Vendimin e di vetëm ai dhe për shkak të natyrës se si ai funksionon, në Partinë Socialistë këtë nuk e di askush, por për çfarë do të jenë këto ndryshime.
A thua se për shtat muaj ato yjet e rinj të qeverisë do të bëjnë ndryshime të mëdha. Edi Rama mund të shpalli sot atë kabinet që ai mendon se do të qeverisë nëse merr mandatin e tretë, por jo që do bëjë ndryshime me këta që ka në mandatin e dytë.
Sepse ai i ka dy të hequr, por kush është ai që në 7 muaj do të përmirësojë Ministrinë e Arsimit sepse befas zonjës Shahini iu mërzit rruga Tiranë-Prishtinë dhe befas do të kthehet atje.
Duket si një lojë fjalësh dhe lojë fëmijësh dhe një lojë njerëzish të pjekur dhe njerëz të mataruar që kanë detyrën e lartë të ministrit. Nuk do t‘i vlente kryeministrit Edi Rama nëse do të bënte ndryshime në qeveri, por nuk është çudi.
Edhe në gazetën “Fjala” që unë drejtoi në kemi bërë një speciale, sipas informacioneve se Edi Rama është duke u munduar seriozisht për të bërë ndryshime. Por a do të sjellin këto një impakt në qeverisjen n socialiste të 7 muajve që kanë mbetur?
La.Mi/Fjala.al
