Policia ka identifikuar autorin e plagosjes me armë të 30-vjeçarit, mbrëmjen e sotme në Tiranë.
Në njoftimin për media bëhet e ditur se aurtori Kevin Cungu ka plagosur me armë zjari shtetasin Rexhep Xhekja., 30 vjeç, i fundit ky që ndodhet në spital jashtë rrezikut për jetën.
Kevin Cungu është vëllai i Markeljan Cungut, autorit të mbi 500 vjedhjeve dhe grabitjeve dhe i shoqëruar dhjetëra herë në komisariatet e Policisë. Ai plagosi sot shokun e tij Rexhep Xhekjen pas një sherri banal në lokal. Të dy janë në kërkim teksa Markeljan Cungu së fundmi për grabitjen e çiftit Laze në Allias të Tiranës në janar. Pra prej 9 muajsh Markeljan Cungu është në kërkim teksa për herë të parë shoqëruar që 9 vjeç për vjedhje.
Njoftimi i plotë:
Policia identifikon autorin e dyshuar të plagosjes me armë të 30-vjeçarit.
Vijon krehja e zonës për kapjen e tij.
Më datë 11.09.2020, rreth orës 21:26, në fund të rrugës “5 Maji”, pas një konflikti të çastit, për motive të dobëta, dyshohet se shtetasi me iniciale K. C, ka plagosur me armë zjarri pistoletë në këmbë shtetasin R.Xh., 30 vjeç, i cili u dërgua në spital dhe ndodhet nën kujdesin e mjekëve jashtë rrezikut për jetën
Shërbimet e Policisë kanë shkuar menjëherë në vendngjarje dhe falë veprimeve të shpejta kanë bërë identifikimin e autorit të dyshuar.
Policia ka rrethuar zonën dhe vijon krehja e saj për kapjen e autorit, i cili menjeherë pas plagosjes është larguar nga vendngjarja .
Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do ti shërbejë hetimit dhe dokumentimit të plotë të ngjarjes.
