Sipas një raporti të ri të hartuar nga Universitetit “Brown” të titulluar Projekti “Kostot e Luftës”, tetë luftërat më të dhunshme, në të cilat Shtetet e Bashkuara të Amerikës kanë marrë pjesë apo që ajo vetë ka nisur, kanë krijuar në mbarë botën, së paku 37 milionë refugjatë që prej vitit 2001.
Raporti është hartuar duke nisur pas sulmeve të 11 shtatorit në Kullat Binjake dhe zhvendosjes së popullsive, në zonat që hynë në luftë me Amerikën.
Numri i refugjatëve përgjatë këtyre 19 viteve, sipas raportit, i tejkalon të zhvendosurit nga çdo luftë apo katastrofe tjetër që nga shekulli XX, përjashtuar këtu vetëm periudhën e Luftës së Dytë Botërore sikurse dhe numri i atyre që janë zhvendosur nga SHBA drejt Kanadasë, jo për shkak të luftës por për arsye punësimi, apo emigrimi për arsye të tjera.
Po sipas raportit, 8 milionë vetë janë shpërngulur nga shtëpitë përtej kufijve ndërkombëtare si refugjatë e si azilkërkues për shkak të luftës,.
Ndërkohë 29 milionë të tjerë janë zhvendosur nga një qytet në tjetrin. Pjesa më e madhe e refugjatëve janë zhvendosur nga Afganistani, Iraku, Pakistani, Jemeni, Somalia sikurse edhe nga Filipinet, Libia dhe Siria, të gjitha vendet të cilat ndodhen në konflikt. Ru. Do/ Fjala.al
