Policia në ishullin grek të Lesbos hodhi gaz lotsjellës ndaj një grupi migrantësh të shtunën.
Migrantët kishin protestuar përgjatë rrugës kryesore që lidh qytetin ishullor të Mytilene dhe vendndodhjen e kampit të ri, i cili pritet të vendoset nga autoritetet pasi kampi Moria u rrafshua në fillim të kësaj jave.
Policia greke konfirmoi përdorimin e gazit lotsjellës për të shpërndarë protestuesit, duke thënë të Shtunën, “Përleshje në shkallë të vogël midis policisë dhe migrantëve protestues ndodhën sot më herët”.
Rreth 300 migrantë u strehuan përsëri në një kamp të ri të Shtunën, tha policia.
Një gazetar në terren tha se migrantët ishin të zhgënjyer që ishin në kampe refugjatësh dhe duan të largohen nga ishulli, por qeveria greke tha se ata nuk do të “shantazhohen” për t’i zhvendosur ata.
Autoritetet greke thanë se zjarret në Moria duket se ishin ndezur qëllimisht pasi rregullat e karantinës u vendosën banorëve që kishin rezultuar pozitiv me koronavirus në kampin më të madh të refugjatëve në Evropë.
Një protestuese po bërtiste me zemërim për keqtrajtimin e saj në kamp.
Tensionet vijnë pas katër ditësh që kur u përfshi nga zjarret Moria, kampi më i madh i refugjatëve në Evropë, duke zhvendosur 13,000 njerëz, përfshirë mijëra fëmijë.
Refugjatët nga kampi kanë mbetur të pastrehë dhe të uritur pas zjarreve, disa flenë buzë rrugëve dhe pikave të karburantit ndërsa dhjetëra familje u strehuan në një varrezë aty pranë.
Drejtori i zyrës së Ministrit Grek të Migracionit, Konstantinos Kostakos, tha se autoritetet do të zhvendosin përkohësisht rreth 1,000 migrantë – veçanërisht ata në grupe të prekshme – në një anije që është ankoruar në Sigri, në anën perëndimore të ishullit./Er.Ke/Fjala.al/
