Një ditë më parë, Partia Demokratike lëshoi një sërë akuzash drejt qeverisë dhe Bashkisë Tiranë në lidhje me masat anti-covid me rastin e vitit të ri shkollor.
Por mesa duket pas ditës së parë, PD ka ndryshuar mendim duke parë që përgjithësisht shkollat kishin marrë masat e duhura për parandalimin e përhapjes së virusit.
Ish-deputetja e PD-së, Albana Vokshi në “Neës24”, deklaroi se shkollat, kryesisht në Tiranë, i kishin marrë masat e nevojshme.
“Në pamje të jashtme duket se i kishin marrë një pjesë të masave për respektimin e protokollit të sigurisë së fëmijëve, aq sa janë shfaqur, sepse sigurisht, ne presim që informacione më të detajuara të na vijnë pasdite apo edhe në ditët në vijim. Duket që një pjesë prej shkollave, dhe kryesisht në Tiranë, i kishin marrë këto masa”, u shpreh Vokshi.
Pa.Va/Fjala.al
