Temperaturat e larta që vazhdojnë ende në vendin tonë po bëhen shkak i shumë vatrave zjarri të cilat po djegin hektarë me pyje dhe ullishte.
Së fundmi një zjarr i madh ka përfshirë një sipërfaqe të madhe me ullinj në fshatin Ballaj të Rrogozhinës.
Burime bëjnë me dije se zjarri ka filluar që mbrëmjen e djeshme, por në vendngjarje nuk ka shkuar asnjë zjarrfikëse.
Zjarri ishte fikur më herët, por ai është ndezur sërish duke vazhduar që të djegë sipërfaqe të tëra me ullinj. Flakët vazhdojnë të pushtojnë pemët dhe bimësinë në këtë fshat.
Më herët, një zjarr në fshatin Zambishtë të Rrogozhinës dogji 15 hektarë me ullishte. /Ra.My.Fjala,al/
