Shkëndija e Tetovës bëri një kualifikim historik në turin e radhës të Europa League. Por ajo që është më interesante është se skuadra maqedonase do të ketë përballë Tottenhamin e Jose Mourinhos në shtëpi.
“Spurs” eliminoi Lokomotivën e Plovdivit në turin e dytë kualikues të Europa League. Pas Milanit, Shkëndija e Tetovës do të përballet me një tjetër skuadër të madhe në këtë kompeticion pikërisht Spurs-at. Jose Mourinho pas suksesit ndaj Lokomotiv Plovdiv dha një mendim edhe për skuadrën shqiptare që luan në Maqedoninë e Veriut.
“Nuk di asgjë për Shkëndijën. As nuk dija për Lokomotiv Plovdivin. Tani kemi përpara ndeshjen në Angli dhe më pas do të nisim të përgatisim përballjen për në Maqedoninë e Veriut. Ajo që di me siguri është që do të jetë shumë e vështirë. Në turet me tek ndeshje, është e vështirë pasi luhet gjithçka në 90 minuta”, u shpreh Mourinho për mediat angleze.
Pa.Va/Fjala.al
