Diplomatja e njohur shqiptare, Besiana Kadare, e njohur edhe si vajza e shkrimtarit Ismail Kadare, ka ndarë në rrjetin social ‘Facebook’ pjesëmarrjen e saj në një nga eventet më të rëndësishme të Kombeve të Bashkuara.
Besiana Kadare njofton përmes një shkrimi dhe disa fotove se ka që pjesë e 75 vjetorit të Kombeve të Bashkuara ku Shqipëria është prezantuar nga Presidenti Ilir Meta.
“Pata nderin të prezantoja me video deklaratën e Presidentit në këtë event” shkruan Kadare.
Ndër të tjera ajo shkruan se Shqipëria rinovoi angazhimin e saj të vendosur në mbështetjen e një multilateralizmi gjithëpërfshirës, me KB në qendër të saj.
Postimi i plotë i Besiana Kadare
Sot përkujtuam 75 vjetorin e Kombeve të Bashkuara, përmes një ngjarjeje të nivelit të lartë. Shqipëria u përfaqësua nga Presidenti i Republikës, H.E. Z. Ilir Meta, ndërsa unë isha e pranishme në sallën e Asamblesë së Përgjithshme dhe pata nderin të prezantoja deklaratën e tij me video të regjistruar.
#Shqipëria rinovoi angazhimin e saj të vendosur në mbështetjen e një multilateralizmi gjithëpërfshirës, me KB në qendër të saj.
Të lumtur që u kthyem, së bashku kolegët e mi, në sallën emblematike të GA. /Ra.My.Fjala.al/
