Londra do të inspektojë provat e para në botë të sfidave njerëzore ndaj Covid-19, në të cilat vullnetarë të shëndetshëm do të infektohen qëllimisht me koronavirus për të testuar efektivitetin e vaksinave eksperimentale.
Studimet e financuara nga qeveria e Mbretërisë së Bashkuar pritet të fillojnë në janar në një strukturë të sigurt karantine në Londrën lindore, sipas disa njerëzve të përfshirë në projekt, i cili do të shpallet javën e ardhshme.
Studiuesit, të cilët nuk donin të komentonin publikisht këtë gjë përpara nisjes, thanë se provat do të luanin një rol kyç në ngushtimin e fushatës së madhe të vaksinave premtuese Covid-19, që mund të kalojnë në testime klinike në fillim të vitit të ardhshëm.
Vullnetarët do të injektohen me një vaksinë dhe pas një muaji apo më vonë do të marrin një dozë “sfiduese” të Sars-Cov-2, virusi që shkakton Covid-19, por që do të jetë në kushte të kontrolluara.
Rreth 2,000 vullnetarë të mundshëm janë regjistruar për studime të ‘vaksinave sfiduese’. Provat tradicionale klinike kanë nevojë për dhjetëra mijëra pjesëmarrës dhe studiuesit do të përpiqen të tërheqin sa numrin e duhur për studime të shumta të vaksinave.
Nadine Rouphael, një studiuese kryesore e vaksinave në Universitetin Emory në Atlanta deklaroi se “Britania është shumë përpara në krijimin e vaksinës dhe kjo është e mrekullueshme “.
Burimi: Financial Times
https://www.ft.com/content/b782f666-6847-4487-986c-56d3f5e46c0b
Pa.Va/Fjala.al
