Ish-kryeparlamentarja Jozefina Topalli ka reaguar për largimin masiv të të rinjve nga vendi. Ajo ka postuar në rrjetin social Facebook statistika të largimit të shqiptarëve ku thekson se pjesa më e madhe e atyre që largohen janë të rinj. Ndër të tjera, Topalli shkruan se janë tre fajtorë për largimin e tyre, por pa përmendur emra.
Postimi i plotë i Topallit:
Mjeranet kane frike nga ndryshimi!
30.5 mijë shqiptarë, kanë aplikuar për azil në një nga shtetet e Bashkimit Europian dhe të tjera ,nga janari i vitit 2019 deri në gusht të 2020-s!
Pjesa më e madhe e atyre që po ikin janë të rinj.
78% e totalit të aplikimeve për këtë periudhë ishin deri në 34 vjeç, sipas Eurostatit.
Fajtoret per kete boshatisje te vendit kane emra. Jane tre shahistet qe mendojne se vendosin per jeten e fatin e cdokujt.
Prandaj po mbyllin sistemin e po vendosin pragje qe te mos lejojne me ligj asnje levizje per ndryshim.
Mjeranet!
Por e keqja s ‘ka fund!
Shumë e lartë është ikja e minorenëve. Në periudhën janar 2019-gusht 2020 ka pasur 6,895 aplikime për azil nga minorenët më pak se 17 vjeç, që përbën rreth 29% të aplikimeve nën 34 vjeç, ose 23% të totalit.
Kjo eshte drama me e madhe shqiptare.
Drame qe kerkon kurajo per te ndryshuar situaten!
Kurajo per te thene te verteta.
Kurajo per te sjelle ndryshimin e shpresen!
Pa.Va/Fjala.al
