Një studente ka treguar se është sulmuar nga tre meshkuj në qytetin francez të Strasburgut pasi këta të fundit u ofenduan nga veshja e saj.
22-vjeçarja e quajtur Elizabet tha se ishte duke shëtitur nëpër qytet ditën e martë teksa po pinte një cigare, kur ata filluan t’i bërtisnin.
Sipas vajzës, njëri prej tyre bërtiti duke thënë: Shihni atë prostitutën që ka veshur fund. Më pas ata i thanë asaj të ulte sytë dhe të mos fliste.
Dy prej tyre e kapën nga krahët dhe një tjetër filloi ta godiste në fytyrë.
Pasi e dhunuan, ata u larguan. Vajza tregoi se më shumë se 15 persona ishin dëshmitarë të ngjarjes por askush prej tyre nuk ndërhyri për ta ndihmuar dhe as nuk njoftuan policinë.
“Kjo është shumë e dhunshme dhe perverse”, u shpreh 22-vjeçarja. Policia është duke kërkuar për dëshmitarë të ngjarjes në mënyrë që të arrijë te autorët.
Ndërkohë, “France Blue Alsace” ka raportuar se dy gra të moshës 20-vjeçare gjithashtu u sulmuan nga një burrë i cili u ofendua nga fundet e tyre të shkurtër.
Ai u arrestua rreth 20 minuta më vonë dhe akuzohet për sulm. Ka.Li/Burimi:DailyMail
Une quinzaine de témoins ont assisté à l’agression de cette jeune femme à #strasbourg mais personne n’a réagi.
Si vous avez des informations sur cette agression contactez @PoliceNat67
pic.twitter.com/W4AzCJUjLj— Officiers et Commissaires de police (@PoliceSCSI) September 22, 2020
