Mposht me rezervat Linkonlin me shifrat 7-2, takimi erdhi drejtpërdrejt në RTSH Sport. Kupa e Ligës Angleze ka vijuar takimet e turit të saj të dytë dhe Rrjeti i Radio-Televizionit Shqiptar ka sjellë për sportdashësit drejtpërdrejt, në kanalin RTSH Sport, takimin midis Linkolnit dhe Liverpulit. Në fakt, Liverpuli e ka mbyllur praktikisht që në pjesën e parë çështjen e kualifikimit, duke shënuar 4 herë.
Xherdan Shaqiri hapi rrjetën e golave me një goditje të lirë, të ekzekutuar mjeshtërisht në minutën e 9-të.Takumi Minamino dyfishoi shifrat 9 minuta më pas për Liverpulin. Kërtis Xhons realizoi golin e tij të parë në këtë takim dhe të 3-tin për miqtë në minutën e 32-të. Ai do të gjejë edhe golin e tij të dytë dhe të 4-tin e Liverpulit në fund të pjesës së parë.
Në fillimin e pjesës së dytë, Liverpuli gjen edhe golin e 5-të, që për Minaminon është goli i dytë vetjak. Megjithatë, vendasit që shkurtojnë largësinë e golave në minutën e 60-të, me anë të Tajo Edunit. Por Marko Grujiç rikthen epërsinë 5-golëshe të Liverpulit, 5 minuta më pas. Ljuis Montsma gjeti golin e dytë të Linkolnit menjëherë më pas. Por Liverpuli do të gjejë edhe golin e 7-të një minutë para fundit të kohës së rregullt, që do të vulosë kështu fitoren e thellë të kampionëve në fuqi të Anglisë.
La.Mi/Fjala.al
