Përmbys në shtesë Seviljen 2-1 dhe fiton Superkupën, Hansi Flik rishkruan historinë. Një gol në pjesën e parë të shtesë i dhuroi Bajernit të Mynihut fitoren me shifrat 2-1 ndaj Seviljes, në duelin e Superkupës së Evropës, të zhvilluar në Stadiumin “Pushkash Arena” të Budapest.
Kështu, Bajerni i Mynihut plotësoi suksesin e katërfishtë të këtij sezoni, duke bërë të vetën edhe Superkupën, përtej shqetësimeve të shkaktuara nga epidemia e virusit korona.
Një gol në pjesën e parë të shtesë i dhuroi bavarezëve fitoren me shifrat 2-1 ndaj Seviljes, në duelin e zhvilluar në Stadiumin “Pushkash Arena” të Budapest, ku ishin të pranishëm edhe mbi 15,000 spektatorë, pavarësisht numrit në rritje të të prekurave me “COVID-19” në kryeqytetin hungarez.
Bajerni i shton kështu Superkupës titullit të kampiones së Bundesligës, trofeut të Kupës së Gjermanisë dhe trofeut të Ligës së Kampioneve, pasi një goditje me kokë e Havi Martinezit, i dha fitoren me përmbysje përballë spanjollëve.
Teksa koha e rregullt ishte mbyllur në barazim 1-1, në atë që ishte hera e parë në 22 ndeshje, që nga shkurti i këtij viti, që gjigandja gjermane nuk kishte arritur të mundte një skuadër brenda 90 minutash, veterani spanjoll i bavarezëve goditi zgjuarsish me kokë, duke shënuar golin që mposhti bashkëatdhetarët e tij të Seviljes.
“Na u deshën 15 minuta që të futeshim në lojë”, – deklaroi trajneri i Bajernit, Hans Flik, pas ndeshjes. “Por për më pëlqeu që skuadra u mbështet në mentalitetin e saj të fortë dhe ia doli, – vijoi ai. – Në fund, lojtarët e mi e kapërcyen pengesën e dhimbjes dhe fituan.”
Interesant është fakti se, në 38 ndeshjet që Fliku e ka drejtuar Bajernin, skuadra bavareze ka korrur 35 fitore dhe ka fituar edhe 4 trofe. Ndërkohë, përtej humbjes, trajneri i Seviljes, Julen Lopetegi, ishte mirënjohës që skuadra e tij luajtur për shumicën e ndeshjes si e barabartë me atë që është “ekipi më i mirë në Evropë”.
“Gjithmonë të dhemb kur humbet, veçanërisht në finale dhe veçanërisht në një finale ku ne kishim shanset tona për të fituar, – deklaroi ai, duke vijuar: “Na u desh të vuanim, por edhe ia dolëm t’i bënim ata të vuanin, edhe pse ata gjetën golin e fitores atëherë kur dukej më pak e mundur.”/Bl.Ba/Fjala.al
