Doris , një adoleshente 15-vjeçare nga Brazili, tashmë është e njohur në të gjithë botën. Ajo është protagoniste e një prej fenomeneve më të çuditshme të kohëve të fundit në botë, nga sytë e Dorisit ka kulluar gjak më shumë se një javë. Gjëja më e keqe për këtë është se mjekët ende po hetojnë psenë dhe asnjë specialist nuk po e gjen shkakun.
Sipas nënës së saj, Juliana Teixeira de Miranda, Doris filloi të ndihej keq dhe të ankohej për dhimbje barku më 12 shtator, kështu që ata vendosën të shkonin në një spital në San Paulo. Atje mjekët diagnostikuan dhimbjen si rezultat i gurëve në veshka, kështu që i dhanë ilaçe dhe e dërguan në shtëpi. Tani ajo që supozohet se i dha fund temës, ishte vetëm fillimi. Pas marrjes së ilaçeve, dhimbja jo vetëm që vazhdoi , por ishte krijuar një efekt anësor i çuditshëm: në vend të lotëve Dorisit i rridhte gjak.
Mjekët e ekzaminuan Dorisin në thellësi me teste të ndryshme por arsyeja e fenomenit nuk është ende e qartë. Ata diagnostikuan se ishte hemolakria, një çrregullim i çuditshëm që konsiston në ndarjen e lotëve, por pjesërisht i përbërë nga gjaku . Rafael Antonio Barbosa Delsin, okulisti që po merret me çështjen, këmbënguli që trajtimi varet nga shkaku, por që nganjëherë fenomeni zhduket aq papritur sa u shfaq. Edhe kështu, kur panë që e reja nuk shfaqte ndonjë lloj sëmundje tjetër, e dërguan përsëri në shtëpi.
Specialistët nuk e dinë se çfarë po ndodh në të vërtetë dhe as nuk gjetën ndonjë gjë që mund të justifikonte ato lot prej gjaku, kështu që nëna e vajzës së vogël ka kërkuar që të bëhen më shumë teste për t’u përpjekur të zgjidhin misterin.
Tingëllon si gjithçka nga një film horror, por hemolakria, edhe pse jashtëzakonisht e rrallë , është një çrregullim që disa mjekë e kanë hasur që kur rasti i parë u dokumentua në shekullin e 16-të. Shkaku i saj është i panjohur, megjithëse studimi më i fundit tregon se ndryshimet hormonale mund të jenë përgjegjëse për këtë fenomen, veçanërisht tek gratë (duket se menstruacionet mund të kontribuojnë në gjurmët e gjakut në lot) ose faktorët lokalë, të tilla si konjuktiviti bakterial, dëmtime të ndryshme të brendshme ose dëmtime të mjedisit gjithashtu kontribuojnë.
Sidoqoftë, origjina e çrregullimit është ende e panjohur dhe nuk ka trajtim, pasi personi që e vuan atë nuk pëson dëmtime, goditje ose trauma nga prodhimi i atyre lotëve të gjakut.
Stigma dhe mrekullitë
Sidoqoftë, nuk ka mungesë të njerëzve që besojnë se ky lloj çrregullimi i përgjigjet një lloj mrekullie apo dukurie të mbinatyrshme, siç janë stigmatat. Rasti më i njohur është ai i gjermanes Teresa Neumann , e cila që nga viti 1926 filloi të tregonte atë që quhej ‘stigmata’ e Krishtit e kryqëzuar , duke e bërë atë gruan e parë të stigmatizuar të shekullit të 20-të. Neumann ka qenë një nga rastet më të studiuara në histori dhe ‘lotët e gjakut’ të tij pretendohej të ishin rezultat i vizioneve gjatë Pasionit të Krishtit. Neumann u shpall një ‘shërbëtor i Zotit’ nga Kisha Katolike në 2004 dhe është në proces të beatifikimit./Jo.Be/Fjala.al
