Ish-drejtori i zbulimit në Ministrinë e Mbrojtjes, Mehmet Musaj ka ndërruar jetë si pasojë e Covid-19. Lajmin e ka bërë të ditur miku i tij, Hile Lushaku.
Ai shkruan në rrjetin social Facebook se pandemia e tmerrshme po merr shumë jetë.
Postimi i plotë:
“Mësova me hidhërim të thellë nga miku im Vladimir Ndreja se sot ndërroi jetë ish-drejtori i zbulimit në Ministrinë e Mbrojtjes, i ndjeri Mehmet Musaj. Covid-19 mposhti edhe këtë burrë të ndershëm nga Geghyseni i Tropojës. Kjo flamë e tmerrshme po merr jetë të shumta. Mehmet Musaj shërbeu me dinjitet për shumë vite në zbulim duke lënë gjurmë të pashlyera profesionalizmi dhe devotshmërie të rrallë. Ngushëllime familjarëve dhe të afërmve. Pushoftë në paqe.”, shkruan ai.
Pa.Va/Fjala.al
