Përfaqësuesi i mazhorancës, Damian Gjiknuri pas mbledhjes së Komisionit Përzgjedhës për KQZ-në e re deklaroi se drafti i PD për hapjen e listave do shqyrtohet në Këshillin Politik.
Sipas Gjiknurit kjo gjë do të ndodhë pasi Komisioni i ligjeve të votojë nen për nen propozimet e PS dhe opozitës parlamentare.
“Sa i përket Këshillit Politik, ne mbrëmë vonë morëm draftin e PD-së. Komisioni i Ligjeve ka filluar shqyrtimin, dhe nesër do vazhdojmë me komisionin e ligjeve për të përafruar disa qëndrime dhe natyrshëm më vonë më vonë do t’i japim përgjigje dhe PD se kur do të thërrasim Këshillin Politik e më pas të fillojmë dialogun”, u shpreh Gjiknuri.
Pas propozimit të PD, Rudina Hajdari kërkoi mbledhjen e Këshillit Politik të martën në orën 12:00, por kërkesa u refuzua publikisht nga Gjiknuri i cili tha se nuk mund të mblidhet këshilli politik pa përfunduar puna në Komisionin e Ligjeve për draftin e PS dhe opozitës parlamentare.
Pa.Va/Fjala.al
