Ndër akuzat që opozita ka hedhur ndaj qeverisë është edhe mungesa e investitorëve të huaj strategjikë. Por ministrja e Financës dhe Ekonomisë Anila Denaj ka një analizë tjetër në këtë drejtim.
Në emisionin “Hard talk nga Roalnd Qafoku”, Denaj lidhur me mungesën e investimeve strategjike dhe ato të huaja në vendin tonë ministrja Denaj është shprehur se fokusi është vendosur tjetërkund.
Sipas saj nuk është e rëndësishme të kemi një investitor strategjik të madh pasi duhen disa investitorë të mesëm që do të cojnë përpara ekonominë duke diversifikuar në sektore të ndryshme ndër vite dhe duke sjellë qëndrueshmëri.
“Një strategji e qëndrueshme shkon përpara dhe paralelisht me një investim të madh.Ne flasim për një situatë post pandemie që duhet adresuar me zgjuarsi. Si ?
Nuk mund të vi një investitor kaq i madh siç ishte TAP-i në një treg kaq të vogël si Shqipëria, në raport edhe me numrin e personave që janë forcë pune. Nuk mund të vi as në Mal të Zi as në Maqedoninë e Veriut, por sigurisht si rajon ballkanik do vi.” ka thënë Denaj .
Ndër të tjera Denaj është ka shpjeguar se investitorët e mëdhenjë strategjik synojnë tregje më të mëdha, sic mund të jetë tregu rajonal në bashkëpunim edhe me vende të tjera që gjithsesi do të ishte në dobi të Shqipërisë.
Këtu bëhet fjalë për një rajon me 18 milionë banorë dhe të gjithë marrëdhëniet prej vitesh synojnë që rajoni të integrohet për investitorë të huaj, për një format më të gjerë, sepse shkalla është ajo që do ta sillte investitorin në rajon. Ndërkohë për pjesën e investitorëvë të huaj strategjikë me nivel më të ulët shkalle por të fokusuar në Shqipëri, ne kemi 15 projekte që jemi duke i ndjekur brenda formatit të investitorëve strategjikë. /Jo.Be/Fjala.al/
