Dy shqiptarë janë mbajtur të mbyllur dhe të lidhur me zinxhirë nga një bandë trafikantësh në Náquera (Valencia).
Alarmin e ka dhënë një prej tyre, i cili arriti të lirohet e të shpëtojë të shtunën e kaluar pas katër ditësh rrëmbimi.
Banda i akuzoi ata se kishin vjedhur një sasi të madhe marijuane që ata e rritën dhe e fshehën në vendin ku mbaheshin.
Një nga pengjet, siç shkruan gazeta spanjolle “ElMundo”, arriti të thyejë zinxhirët me të cilët ishte lidhur dhe u arratis për të kërkuar ndihmë. Një fqinj e gjeti atë të plagosur dhe njoftoi forcat e sigurisë.
Garda Civile dhe Policia Lokale morën në pyetje burrin, i cili i paralajmëroi ata se i njohuri i tij ishte ende duke u mbajtur dhe i çoi në vendin ku ai ishte, gjithashtu me shumë lëndime dhe i lidhur me zinxhirë në një shtyllë.
Në këqyrjen e ambienteve u gjet kanabis si dhe enë për kultivimin e lëndës narkotike. Të dy të liruarit janë marrë në pyetje për të përcaktuar marrëdhëniet e tyre me bandën e drogës.Ka.Li/fjala.al