Emmanuel Macron, presidenti i Francës, premtoi ndihmën e Evropës në ndërmjetësimin e krizës politike në Bjellorusi.
“Ne do të bëjmë më të mirën tonë si evropianë, për të ndihmuar në ndërmjetësim”, u tha Macron gazetarëve në Vilnius të Lituanisë, ku takoi udhëheqësen e opozitës bjelloruse, Svyatlana Tsikhanouskaya.
Bjellorusia është përfshirë nga protestat kundër regjimit të Alaksandr Lukashenkës qysh pas zgjedhjeve të 9 gushtit, në të cilat Lukashenko pretendon se ka fituar mandatin e gjashtë presidencial.
Protestat janë shtypur brutalisht nga policia, me rrahje dhe arrestime masive.
Sipas protestuesve, opozitës dhe vëzhguesve ndërkombëtarë, zgjedhjet janë manipuluar në favor të Lukashenkos.
Tsikhanouskaya është strehuar në Lituani shumë shpejt pas zgjedhjeve, pasi ka pasur raporte se autoritetet kanë planifikuar arrestimin e saj.
Vendet perëndimore kanë refuzuar ta njohin Lukashenkon si udhëheqës legjitim të Bjellorusisë dhe i kanë kërkuar atij të negociojë transferimin e pushtetit.
Ndërkohë Lukashenko ka refuzuar të bëjë një gjë të tillë. Ru. Do/ Fjala.al
