Spikeri i Fox News Chris Wallace është befasuar nga mosmarrëveshja midis Presidentit Trump dhe kundërshtarit të tij, ish Nënkryetari Joe Biden, por ai beson se përplasja u ofroi shikuesve mjaft njohuri për dy kandidatët
“Padyshim që nuk ishte debati që unë kisha imagjinuar dhe u zhgënjeva”, tha Wallace, një ditë pas debatit mes Trump dhe Biden në një intervistë telefonike me ‘The Times’.
” Debatet kanë të bëjnë me zbulimin e asaj që kandidatët mendojnë. Ka një imazh të krijuar për Donald Trump, një ide se se ku ai mendon ta çojë vendin dhe mënyrën si mendon ta arrijë këtë gjë.Nisur nga ky fakt, mendoj se ky debat ka qënë zbulues pasi na ka njohur më shumë me të dy kandidatët. Mund të mos ketë qenë e bukur, por ishte zbuluese “. është shprehur ai.
Kaosi i shkaktuar nga ky debat bëri që ekspertët televizivë dhe mediat sociale të përshkruajnë debatin si më të keqin në historinë amerikane.
Wallace tha se u inkurajua fillimisht kur Trump dhe Biden shkëmbyen mendime nëse duhet të paraqitnin një kandidat të Gjykatës së Lartë para zgjedhjeve. Ai besonte se kandidatët mund të kishin një shkëmbim të lirë të ideve në vend të “konferencave paralele për shtyp” të cilat mund të kthehen debatet.
Reagimi im fillestar ishte: ‘Kjo është shumë mirë. Debati do të shkojë mirë dhe unë mund të pushoj në mbrëmje “, tha Wallace.
Wallace i ofroi Trump mundësinë për të denoncuar grupet supremaciste të bardha – diçka që presidenti ka qenë nën presion për të bërë që kur tha në 2017 se kishte “njerëz të mirë nga të dy palët” pas një tubimi neo-nazist në Charlottesville. /Ra.My.Fjala.al/
