Një tjetër test i shpejtë diagnostikues për Covid-19 është miratuar nga Organizata Botërore e Shëndetësisë ditën e sotme.
Sipas The Guardian, ky është testi i dytë i shpejtë që merr dritën jeshile nga OBSH, i cili bazohet te antigjenet për të treguar nëse një person është i infektuar apo jo me Covid-19.
“Këto teste janë të thjeshta për t’u përdorur dhe japin rezultate të besueshme në afërsisht 15 deri në 30 minuta, në vend të atyre që duan orë ose ditë, sigurisht kanë dhe një çmim më të ulët. Ky është një moment kritik në reagimin ndaj pandemisë. Ne i bëjmë thirrje çdo udhëheqësi vetëm të forcojë menyren si i përgjigjet situates, të vendosin masa që ne i dimë se mund ta frenojne përhapjen e virusit.
Atje ku deri tani po kontrollohet me sukses, e rëndësishme është që qeveritë të vazhdojnë, të qëndrojnë vigjilentë dhe të jenë të gatshëm dhe të investojnë në sistemet shëndetësore kombëtare, duke përfshirë gjurmimin e kontakteve”, u shpreh Tedros Adhanom Ghebreyesus.
Pa.Va/Fjala.al
