Manchester United po tenton një super goditje nga Barcelona në këto orë të mbetura të merkatos.
Ousmane Dembele mesa duket është më pranë klubit anglez dhe për këtë ka hyrë në rolin e agjentit, Paul Pogba. Mesfushori francez, i cili e ka shok kombëtareje sulmuesin e Barcelonës, po mundohet ta bindë atë të transferohet në Manchester. Orët e fundit duket se dhe vetë Dembele duket i tërhequr nga ideja për tu zhvendosur në “Old Traford” dhe sipas mediave angleze, ai ka pranuar ofertën e “Djajve të Kuq”. Në rast se ky transferim ndodh atëhere United do të formonte një repart të avancuar të frikshëm me Rashford, Martial, Bruno Fernandes dhe Dembele. Nga ana tjetër dhe Barcelona nuk do ta vuajë shumë mungesën e tij duke parë rendimentin e xhevahirit që ka në shtëpi, Ansu Fati.
Ky i fundit ka shpërthyer këtë sezon, madje në ndeshjet e para të kampionatit, i ka rrëmbyer skenën edhe vetë Leo Messit.
Pa.Va/Fjala.al
