Xherdan Shaqiri mund të largohet me të vërtetë nga Liverpool. Sulmuesi me origjinë shqiptare është përfolur edhe në merkaton e kaluar për tu larguar nga “The Reds”. Që nga transferimi i tij në “Anfield, Shaqiri ka qenë shumë pak ndeshje titular. Edhe pse ka një raport të shkëqlyer me Jurgen Klopp, për gjermanin Shaqiri ka qenë gjithmonë një rezervë luksi.
Hapësirat e Shaqirit janë zvogëluar ndjeshëm edhe pas afrimit të Minamino dhe Diego Jotta, ndaj 28-vjeçari mund të kalojë në Serie A ose La Liga.
Drejtori Igli Tare e do me patjetër tek Lazio, pasi ka besim se Shaqiri do të ndihmonte shumë lacialët. Në krahun tjetër, edhe spanjollët e Sevilla shohin te Shaqiri një lojtar që mund të bëjë mirë në skuadrën e tyre. Megjithatë, faktori Tare mund të ndikojë jo pak dhe nëse Shaqiri rikthehet në Serie A (më herët ka luajtur me Interin) do të ishte një goditje e madhe për klubin bardhekaltër.
Pa.Va/Fjala.al
