Takimi i sotëm zyrtar i mbajtur në Tiranë mes qeverisë së Shqipërisë dhe asaj të Kosovës ka ngjallur reagime dhe deklarata të shumta.
Kjo ngjarje nuk ka kaluar pa rënë në sy edhe të mediave serbe të cilat kanë shkruar se deklaratat e sotme gjatë mbledhjes kanë qënë provokative.
Gazeta “Blic” në Serbi e ka konsideruar provokim deklaratën e Kryeministrit Rama se “porti i Durrësit do të jetë i Kosovës”.
“Kryeministri i Shqipërisë Edi Rama ka deklaruar se Kosova dhe Shqipëria planifikojnë t’i heqin kufijtë dhe se së shpejti Porti i Durrësit do të bëhet port i Kosovës de facto”, shkruajnë mediat në Serbi.
Një tjetër fakt që mediat serbe kanë vënë në fokus ishte mungesa e disa disa Zyrtarëve nga Lista Serbe në Qeverinë e Kosovës, Goran Rakiç dhe Dalibor Jevtiç.
Është përmendur gjithashtu nënshkrimi i tri marrëveshjeve për Doganën në Durrës linjën hekurudhore dhe hidrocentralin për Kosovën që do të ndërtohet në Shqipëri. /Ra.My.Fjala.al/
