Sot në seancën e Kuvendit të komunës së Gucisë, Bujar Hasangjekaj nga Koalicioni ”Shqiptarët bashkë për Guci” është zgjidhur kryetar i Kuvendit komunal.
“Për Hasangjekaj votuan 20 këshilltarë të maxhorancës dhe 8 të opozitës, kurse një këshilltar nga opozita ishte i përmbajtur në votim”, shkruan Malësia.me.
Komuna e Gucisë është themeluar në vitin 2014 dhe Hasangjekaj është shqiptari i parë që zgjidhet në pozicionin e Kryetarit të Kuvendit.
Hasangjekaj ka mbajtur postin e kryetarit të Këshillit Drejtues të Fondit për Mbrojtjen dhe Realizimin e të Drejtave të Pakicave në Mal të Zi. Ai ka qenë dhe anëtar i kryesisë qendrore të LDSH-së dhe kryetar i Degës së Gucisë.
Duhet veçuar se gjatë punës së tij, si anëtar i Fondit, e ka promovuar Fondin në të gjitha trevat shqiptare dhe ka ndihmuar e përkrahur shumë projekte që kanë të bëjnë me çështjet identitare të shqiptarëve në Mal të Zi.
La.Mi/Fjala.al
