Ish- deputetja e PD Albana Vokshi deklaroi në emisionin HARD TALK NGA ROLAND QAFOKU se në Shqipëri kemi 139 vdekje për 1 milion banorë, një shifër kjo shumë e lartë krahasuar me vendet e rajonit. Sipas saj, Greqia ka 34 ndërsa Serbia ka 89.
-Sot që flasim ne kemi numrin e testeve më të vogël në rajon, kemi vetëm 28 mijë teste, ndërkohë që Greqia, Serbia kanë 129-130 mijë teste dhe kemi vdekshmërinë më të lartë. Pavarësisht se duket sikur kemi ne pak vdekje. E para nuk kanë qenë transparente, as numri i testeve, as numri i të sëmurëve, as numri i të vdekurve.
-Si e vërtetoni këtë?
-Thashë kemi dyshime nga denoncimet që neve na kanë ardhur. Për çdo njeri që vdiste duhej bërë autopsia. Kanë refuzuar ta bëjnë. Megjithatë, thashë kemi dyshime. Ne kemi sot 139 vdekje për 1 milion banorë. Ndërkohë që Greqia ka 34. A e di sa ka Serbia? 89. Pra, ku është suksesi?/Fjala.al/Ke.Ba
