Melania Trump, Zonja e Parë e SHBA, është izoluar pasi u testua pozitive me COVID-19. Ajo ka njoftuar se nuk është larguar dhe nuk do të largohet nga Shtëpia e Bardhë për të vizituar Presidentin, Donald Trump, në spital.
Pak më parë, përmes një shënimi në Twitter, Melanie Trump tha se ajo ndihet mirë dhe do vazhdojë të qëndrojë në shtëpi.
Ndërsa falënderoi stafin mjekësor dhe mjekët, Zonja e Parë tha se lutjet e saj shkojnë për këdo që ka një anëtar të familjes të infektuar.
“Familja ime është mirënjohëse për të gjitha lutjet dhe mbështetjen! Unë jam mirë dhe do të vazhdoj të pushoj në shtëpi. Faleminderit stafit mjekësor dhe kujdestarëve kudo, dhe lutjet e mia të vazhdueshme për ata që janë të sëmurë ose kanë një anëtar të familjes të ndikuar nga virusi “, shkruan Melanie. Ka.Li/fjala.al
