Novak Gjokoviçi ka mundur Karen Khaçanovin dhe arrin, për herë të 14-të në karrierë, të sigurojë një vend midis 8 më të mirëve të turneut parisien. Tenisti serb barazon kështu Rafael Nadalin për arritjet e tij deri në çerekfinalet e “Roland Garros”.
I mbiqajturi Nole, bën një lojë pa sforcime dhe siguron fitoren 3-0 me sete, 6-4, 6-3 e 6-3, në 2 orë e 25 minuta. Turin e kalon edhe rusi Andrej Rublev, që ka fituar 3-1 me hungarezin Marton Fuzhovik, pas 4 orësh lojë.
Rublevi do të ndeshet tashmë me Stefanos Tsitsipasin, që nga ana e tij ka eliminuar pas fitores 3-0, bullgarin Grigor Dimitrov. Tek femrat, çekja Petra Kvitova siguron një vend në çerekfinale të “Roland Garros”, pas 8 vitesh mungesë.
Numri 11 në renditjen botëror fitoi 2-0, me sete 6-2, 6-4 ndaj kinezes Zhang Shuai, në një ndeshje që mbyllet për 80 minuta. Tashmë në çerekfinale do të përballet me Laura Sigmundin.
La.Mi.Fjala.al
