Është shtyrë seanca paraprake në gjykatë për Ervis Martinajn dhe Elio Hadon, të akuzuar për përplasjen me armë zjarri në një lokal në ish-Bllok, ku mbeti i vrarë shtetasi Fabian Gaxha.
“Fjala.al” mëson se shkak për shtyrjen e seancës është bërë mos njoftimi i të gjitha palëve për gjyqin e sotëm.
Ngjarja e rëndë ndodhi më 4 tetor të 2018, ku nga përplasja me armë u vra Gaxha dhe u plagosën Hado e Martinaj.
Sipas dosjes së prokurorisë, për vrasjen akuzohet komandoja i Forcave Ushtarake Marviol Bilo, kushëriri i këngëtares Elvana Gjata, njëherësh dhe truproja i të fejuarit të saj, Ervin Mata.
Ndaj tij është ngritur gjithashtu akuza e vrasjes së mbetur në tentativë ndaj biznesmenit Ervis Martinajt dhe mikut të tij Elion Hato dhe ajo e “Mbajtjes pa lejë të armëve luftarake”.
I pandehur është marrë dhe Ervin Mata pasi prokuroria ka ngritur akuzën e Moskallëzimit të krimit dhe Përkrahje të autorit të krimit”, pasi dyshohet se është personi që ka ndihmuar komandon Marviol Bilon të largohet me shpejtësi nga vendi i ngjarjes, duke mos u arrestuar sot e kësaj ditë nga policia kriminale e Tiranës./Bl.Ba/Fjala.al
